ئه‌و كچه‌ی له‌كاتی مه‌رگه‌ساته‌كه‌دا 3 رۆژ مه‌مكی دایكی به‌شه‌هیدیی مژی بۆ  PUKmedia ده‌دوێت

زه‌مزه‌می ته‌مه‌ن 21 ساڵان و سێ مانگ و سێ رۆژه‌ ئێستا خوێندكاری دوا قۆناغی ئاماده‌یی بازرگانییه‌.ئه‌م كچه‌ له‌ڕۆژی 16\3 و 21 ساڵ له‌مه‌وبه‌ر به‌هۆی هێرشی چه‌كی كیمیاوییه‌وه‌ له‌لایه‌ن رژێمی به‌عسه‌وه‌ بۆ سه‌ر شاری هه‌ڵه‌بجه‌ له‌كۆی 5 ئه‌ندامی خێزانه‌كه‌ی 4 یان شه‌هید بوون و خۆی به‌ته‌نها ماوه‌ته‌وه‌و له‌و كاته‌وه‌ له‌لای نه‌نكی ژیان به‌سه‌ر ده‌بات.كاتی مه‌رگه‌ساته‌كه‌ زه‌مزه‌م ته‌مه‌نی ته‌نها سێ مانگ و سێ رۆژ بووه‌.له‌قلیجی نزیك گوندی عه‌نه‌بی سه‌ر به‌شاری هه‌ڵه‌بجه‌ ئه‌و كاته‌ی خێزانه‌كه‌ی به‌نیازبوو خۆیان له‌مه‌رگ ده‌ربازبكه‌ن، ئه‌م له‌نێو باوه‌شی ڵڕله‌سۆزو موحیببه‌تی دایكیدا بووه‌، به‌ڵام دایكی له‌گه‌ڵ باوك و دوو خوشكه‌كه‌ی شه‌هیدبوون و ئه‌م به‌ته‌نها مایه‌وه‌ . زه‌مزه‌م ده‌ڵێت: ئه‌و رۆژه‌ی دایكم له‌گه‌ڵ باوكم و دوو خوشكه‌كه‌مدا شه‌هیدبوون، (من ساوا بووم و له‌نێو باوه‌شی دایكمدا بووم، دایكم سێ رۆژبوو شه‌هید بووبوو له‌گه‌ڵ ئه‌وه‌شدا من سێ رۆژ شیری مه‌مكی دایكه‌ شه‌هیده‌كه‌م ده‌مژی).دواتر له‌لایه‌ن چه‌ند كه‌سێكه‌وه‌ زه‌مزه‌م له‌و شوێنه‌ دوور ده‌خرێته‌وه‌و دواتر به‌مه‌به‌ستی چاره‌سه‌ركردنی ره‌وانه‌ی نه‌خۆشخانه‌كانی وڵاتی ئێران ده‌كرێت.زه‌مزه‌م له‌قسه‌كانی به‌رده‌وامبوو و وتی: (من له‌لایه‌ن چه‌ند كه‌سێكه‌وه‌ ڵاش مانه‌وه‌م له‌لای ته‌رمی دایكم له‌و شوێنه‌، دوورخرامه‌وه‌و گه‌یه‌نرامه‌ نه‌خۆشخانه‌ی هه‌مه‌دان و به‌مه‌به‌ستی چاره‌سه‌ركردن بۆماوه‌ی 15 رۆژ مامه‌وه‌، دواتر له‌لایه‌ن چه‌ند ناسراوێكمه‌وه‌ برامه‌وه‌ بۆلای نه‌نكم كه‌ له‌ئۆردوگای سه‌لاسی باوه‌جان نیشته‌جێ بوو، له‌و كاته‌وه‌ من له‌گه‌ڵ نه‌نكمدا ژیان ده‌گوزه‌رێنم.له‌وه‌ڵامی ئه‌وه‌دا كه‌ئایا تۆ ده‌زانی گۆڕی كه‌سوكارت له‌كوێن، زه‌مزه‌م وتی: به‌ڵێ ده‌زانم، ئێستا له‌گۆڕێكی به‌كۆمه‌ڵدان له‌نزیك گوندی قلیج- ی سه‌ر به‌شاری هه‌ڵه‌بجه‌. زه‌مزه‌م ئاماژه‌ی به‌وه‌شدا كه‌تائێستا سه‌ردانی گۆڕی كه‌سوكاره‌كه‌ی نه‌كردووه‌، له‌و باره‌یه‌وه‌ ده‌ڵێت: بۆ كوێ بچم سه‌ردانیان بكه‌م؟ به‌داخه‌وه‌ ناویان له‌و گۆڕستانه‌ ره‌مزییه‌دا نیه‌ كه‌له‌مه‌زاری شه‌هیدان دروستكراوه‌و ڵێكهاتووه‌ له‌ 1100 كێل. دواتر وتمان ڵاش 21 ساڵ له‌ڕودانی ئه‌و كاره‌ساته‌ ده‌ته‌ویَت بڵێیت چی؟، زه‌مزه‌م له‌كاتێكدا دڵگرانییه‌كی زۆر به‌سیمایه‌وه‌ به‌دیده‌كرا، ڵاش هه‌ڵكێشانی هه‌ناسه‌یه‌كی قوڵ وتی: بڕوات هه‌بێت نازانم بڵێم چی.

پیاوان یان ژنان

 به‌ گوێڕه‌ی هه‌واڵی رۆژنامه‌ی هه‌واڵ چاپ سلێمانی : له‌ ئاهه‌نگی هه‌شتی مارس له‌ كه‌ركوك له‌به‌رپیاوان ژنان شوێنیان نه‌بوو بۆ هه‌ڵپه‌رین .

8 مارس

 به‌ گوێڕه‌ی هه‌واڵی رۆژنامه‌ی هه‌واڵ چاپ سلێمانی به‌ بۆنه‌ی  رۆژی 8 مارس رۆژی جیهانی ژن له‌ كه‌ركوك خه‌ڵات به‌خشرا به‌ ئه‌فسه‌رێك كه‌ سێ ژنی هێناوه‌ به‌ڵام به‌وته‌ی خه‌ڵكی ئه‌و شاره‌ ئه‌و خاوه‌نی 4 چوار ژنه‌.

ئاکامی هه ر دیکتاتوریک

یارمه‌تیدانی خه‌ڵكی غه‌ززه‌ له‌سه‌ر گیرفانی خه‌ڵك له‌ رێگای فیشی ئاو و كاره‌باوه‌

رۆژنامه‌نووس یان جنێو نووس
وه‌ڵامێكی كورت بۆ گۆڤاری "جیهان"

كاری رۆژنامه‌نووسی وه‌ك كاری موزیك وایه‌ ئه‌گه‌ر له‌ سه‌ر ریتم و نۆت نه‌بێت موزیكه‌كه‌ ده‌بێته‌ ده‌نگه‌وده‌نگ و ژاوه‌ژاو ،هه‌ربۆیه‌ ئه‌گه‌ر كاری رۆژنامه‌نووسیش له‌ سه‌ر بنه‌ما و چوارچێوه‌ی خۆی نه‌بێت ئه‌وا ده‌چێته‌ قاڵبی جنێو و درۆ و ده‌له‌سه‌ و زمان شڕی و بێ ئه‌ده‌بی و زۆر شتی تریش .
به‌داخه‌وه‌ ئێستا له‌ كوردستان هیچ دیوارێك به‌ قه‌ت دیواری رۆژنامه‌نووسی  نزم نییه‌ و بۆیه‌ هه‌موو كه‌س و ناكه‌سێك پێدا هه‌ڵده‌گه‌ڕێت و به‌داخه‌وه‌ هه‌ندێك جار هه‌ندێ كه‌سی نه‌فس نزم و نه‌زان به‌ بێ هیچ زانیارییه‌ك و مه‌علوماتێك ده‌م ده‌كه‌نه‌وه‌و هه‌رچی به‌ ده‌میان دا بێت ده‌یڵێن و ده‌نووسین به‌ بێ ئه‌وه‌ی ڕه‌چاوی ئه‌خلاقی رۆژنامه‌نووسی و بنه‌ماكانی ئاسایشی نه‌ته‌وه‌یی و به‌رژه‌وه‌ندییه‌ نیشتمانییه‌كان و كورد وته‌نی به‌نیازن له‌ ئاوی لێل ماسی بگرن .
له‌ كۆماری ئیسلامی ئێراندا هیچ رۆژنامه‌یه‌ك به‌ قه‌ت رۆژنامه‌ی كه‌یهان ئاژاوه‌گێڕ و فیتنه‌چی و بازارشێوێن نییه‌و نه‌بووه‌ و هیچ رۆژنامه‌نووسێكیش به‌ قه‌ت حوسێن شه‌ریعه‌تمه‌داری بێ چاوروو و بێ شه‌رم و درۆزن و بێ ئه‌ده‌ب و بوختانچی نییه‌ و هه‌موو پێكهاته‌كانی ئێران ئه‌و به‌ باشی ده‌ناسن و له‌و سی ساڵه‌دا هه‌رچی وتویه‌تی و نووسیویه‌تی كه‌س گوێی پێنه‌داوه‌ و ته‌نها كورد وته‌نی چه‌نه‌ی خۆی ماندووه‌ كردووه‌ و هه‌ر بۆیه‌ پێم وایه‌ بابه‌ته‌كه‌ی گۆڤاری جیهانیش هه‌ر وا ده‌بێت .
سی ساڵ ده‌بێت كه‌ رۆژنامه‌ی كه‌یهان به‌ هه‌موو جۆرێك هێرشی كردۆته‌ سه‌ر نه‌ته‌وه‌ جیاوازه‌كانی ئێران به‌ گشتی و كورد به‌تایبه‌ت به‌ڵام هه‌رگیز به‌ قه‌ت گۆڤاری به‌ناو "جیهان " ئه‌وا راسته‌خۆ و بێ ئه‌ده‌بانه‌ هێرشی نه‌كردۆته‌ سه‌ر خه‌ڵكی رۆژهه‌ڵاتی كوردستان، كه‌یهان له‌ رابردوودا و ئێستاشی له‌ گه‌ڵدا بێت كورد به‌ جودایی خواز و تێكده‌ر له‌ قه‌ڵه‌م ده‌دات به‌ڵام جارێك له‌ جاران ئه‌و رۆژنامه‌یه‌ به‌ كوردی نه‌وتووه‌ تریاكخۆر و دز و قه‌رزدار و سیخور ، به‌ڵام نازانم ئه‌وگۆڤاره‌ چ وه‌ڵامێكی بۆ مێژوو ده‌بێت كه‌ ئاوا بێشه‌رمانه‌ ئه‌و تۆمه‌ته‌ ناڕه‌وایانه‌ ده‌خاته‌ پاڵ كورده‌كانی رۆژهه‌ڵاتی كوردستان .
به‌ رای من شیوه‌ی نووسینی راپۆرتی گۆڤاری جیهان " رۆژهه‌ڵاتییه‌كان باشوریان خوارد" زیاتر له‌ شیوه‌ی نووسینی حوسێنی شه‌ریعه‌تمه‌داری و رۆژنامه‌ی كه‌یهان ده‌چێت تا گۆڤارێكی ئازاد و سه‌ربه‌خۆ و هه‌ر بۆیه‌ پێم وایه‌ ئه‌و كه‌سانه‌ی كه‌ تووشی نه‌خۆشی ده‌روونی یان ره‌ش بینین یان گرێیان له‌ دڵ دایه‌ ناتوانن رۆژنامه‌نووس بن چونكه‌ له‌وحاڵه‌تانه‌دا ناتوانن لێكدانه‌وه‌ و راڤه‌یه‌كی راسته‌قینه‌یان سه‌باره‌ت به‌ مه‌سه‌له‌ جۆراوجۆره‌كان هه‌بێت ، مرۆڤی ره‌ش بین هه‌موو شته‌كان به‌ ره‌شی ده‌بینێت و هه‌ر بۆیه‌ په‌نا ده‌باته‌ به‌ر جنێو و بوختان و درۆ و ده‌له‌سه‌ و سووكایه‌تی پێكردن.
كه‌ی ره‌وایه‌ ئه‌و كه‌سانه‌ی كه‌ به‌ هۆی بارودۆخی ناله‌باری رۆژهه‌ڵاتی كوردستان له‌ ماڵ و حاڵی خۆیان ئاواره‌ بوون و روویان له‌م به‌شه‌ی كوردستان كردووه‌ ئاوا بێشه‌رمانه‌ هێرشیان بكرێته‌ سه‌ر و به‌ سیخوری و قه‌رزداری و دزی و تریاكخۆر تاوانبار بكرێن.
من هه‌رگیز ناڵێم و رێ به‌ خۆم ناده‌م كه‌ بواری رۆژنامه‌نووسی سنوودار بكرێت یان كه‌س رای خۆی ده‌رنه‌بڕێت به‌ڵام خۆ ده‌بێت چوارچێوه‌ و بنه‌مایه‌كی هه‌بێت و نابێت هه‌ر كه‌س له‌ خۆرا یان له‌ سه‌ر بنه‌مای حوب یان بوغز(خۆشه‌ویستی یان ره‌ق) كاری رۆژنامه‌وانی بكات به‌ڵكو رۆژنامه‌نووس ده‌بێت حه‌قیقه‌تی خۆشبوێت و ئه‌ركی سه‌رشانێتی راستییه‌كان و حه‌قیقه‌ت بۆ خوێنه‌ران و وه‌رگران  به‌ شێوه‌یه‌كی راستگۆیان بگوازێته‌وه‌.
ئه‌و گۆڤاره‌ جگه‌ له‌وه‌ی سووكایه‌تی به‌ كورده‌كانی رۆژهه‌ڵات كردووه‌ سووكایه‌تی به‌ حزبه‌ سیاسییه‌كانی باشووریش كردووه‌ و نووسیویه‌تی : رۆژهه‌ڵاتییه‌كان هه‌م بۆ ئێران و هه‌م بۆ حزبه‌ سیاسییه‌كانی باشوریش سیخوری ده‌كه‌ن، ئایا ئه‌مه‌ سووكایه‌تی پێكردن و بێ رێزی نییه‌ به‌ حزبه‌ سیاسییه‌كانی باشور، نووسه‌ری بێ ناو ونیشان راپۆرته‌كه‌ یان نه‌زانه‌ یان خۆی له‌گێلی و نه‌زانین ده‌دات ده‌نا شتی وای نه‌ده‌نووسی ، ئه‌گه‌ر رۆژنامه‌كانی كه‌یهان و قودس و جمهوری ئیسلامی یان ره‌ساڵه‌ت شتێكی وایان نووسیبا جێی قسه‌ نه‌بوو چونكه‌ ئه‌وان به‌ دیدێكی دوژمنانه‌ سه‌یری كورد ده‌كه‌ن ئه‌دی به‌ گۆڤاری جیهان چی بڵێین ، هه‌ر وڵاتێك و هه‌ر رۆژنامه‌نووسێك له‌ سه‌ربنه‌مای هێلی سوور و به‌رژه‌وه‌ندییه‌كانی گه‌له‌كه‌ی و وڵاته‌كه‌ی كار ده‌كات ، به‌ڵام به‌داخه‌وه‌ هه‌ندێك جنێونووس (حه‌یفه‌ بڵێی رۆژنامه‌نووس) به‌ هیچ هێلی سوورێكی نیشتمانیی و به‌رژه‌وه‌ندی نه‌ته‌وه‌یی هه‌مان شت ده‌ڵێن و ده‌نووسن كه‌ دوژمنان حه‌زیان لێیه‌.
من هه‌رگێز له‌گه‌ڵ ئه‌وه‌دا نیم كه‌ ره‌خنه‌ و گازه‌نده‌ و سكاڵا و گله‌یی نه‌بێت ، له‌ گه‌ڵ ئه‌وه‌دانیم كه‌ رۆژنامه‌نووس رۆڵی شایه‌ر و لۆتی بگێڕێت و به‌بێ هۆ به‌ شان و باڵی ده‌سه‌ڵات و حكومه‌ت و حزب دا هه‌ڵدا ، به‌ڵام ئه‌گه‌ر باسی خراپه‌كانی كرد باسی باشه‌كانیش بكات، ره‌خنه‌ یانی هه‌ڵسه‌نگاندنی خاڵه‌ باش و لاوازه‌كان، رۆژنامه‌نووسی ئازادی راسته‌قینه‌ ئه‌وه‌یه‌ كه‌ به‌دڵسۆزی و په‌رۆشه‌وه‌ به‌ مه‌به‌ستی سرینه‌وه‌ی خراپه‌كان و باشتركردنی بارودۆخه‌كه‌ تێده‌كۆشێت و هه‌موو كه‌سیش رێز له‌ خۆی و هه‌وڵه‌كانی ده‌گڕێت به‌ڵام ئه‌گه‌ر كه‌سێك كه‌ ته‌نانه‌ت ئه‌وه‌نده‌ جورئه‌ت و بوێری نییه‌ كه‌ ناوی خۆی له‌ سه‌ر بابه‌ته‌كه‌ی بنووسێت بێگۆمان شكم هه‌یه‌ كه‌ كه‌سێكی دڵسۆز و نییه‌ت پاك بێت، گومانم هه‌یه‌ له‌وه‌ی كه‌ كه‌سێكی به‌په‌رۆش بێت  له‌پێناو باشتركردنی كۆمه‌ڵگا، بۆ كه‌سێك تێبگات ئه‌وه‌نده‌ به‌سه‌.
ئه‌وه‌ی له‌ راپۆرته‌ سه‌قه‌ت و پڕ له‌ درۆ و ده‌له‌سه‌كه‌ی گۆڤاری جیهان پێویستی زیاتر قسه‌ی له‌ سه‌ر بكرێت دامه‌زراندنی كۆماری  كوردستانه‌ له‌ لایه‌ن خوالێخۆشبوو پێشه‌وای نه‌مر قازی محه‌مه‌ده‌وه‌ ، نووسه‌ری ونبووی بابه‌ته‌كه‌ زۆر بێشه‌رمانه‌ و به‌ حاڵه‌تێكی سووكایه‌تی پێكردن ده‌ڵێت: كۆماره‌ 11 مانگه‌كه‌ی كۆماری مه‌هاباد، له‌ كاتێكدا هه‌موو دۆست و دوژمن دانیان به‌وه‌داناوه‌ كه‌ كۆماری كوردستانه‌ نه‌ك كۆماری مه‌هاباد، ئێستاش پاش 60 و چه‌ند ساڵ یادی به‌ باشی و خۆشی ده‌كرێته‌وه‌ به‌ڵام نووسه‌ری بابه‌ته‌كه‌ چاوی بینینی ئه‌و كۆماره‌ی نییه‌ و زیاتر به‌ شێوه‌ی زاری دوژمنانه‌ سه‌یری ده‌كات و له‌باره‌یه‌وه‌ ده‌نووسێت. گه‌لی كورد ئێستا زۆر به‌باشی و به‌رێزه‌وه‌ ده‌روانێته‌ ده‌سكه‌وته‌كانی كۆماری كوردستان و به‌ حكومه‌تێكی مۆدێرن سه‌یری ده‌كات.
ویستم زیاتر باسی شته‌ ناره‌واكانی نووسه‌ر بكه‌م به‌ڵام بیرم كرده‌وه‌ كه‌ ئه‌و قسه‌ بێ تامانه‌ ئه‌وه‌ ناهێنێت له‌وه‌ زیاتر كاتی خۆمی پێبگرم، هه‌ر بۆیه‌ ده‌ڵێم : من ده‌متوانی وه‌ك رۆژهه‌ڵاتییه‌ك له‌ رێگای یاساییه‌وه‌ به‌دواداچوونی بۆ بكه‌م به‌ڵام به‌ خۆمم وت : ره‌نگه‌ نووسه‌ره‌ بێسه‌روشوێنه‌كه‌ی ئه‌و بابه‌ته‌ به‌ هه‌ڵه‌دا چوو بێت و هه‌ڵه‌كردنیش یه‌كێك له‌ خسله‌ته‌كانی مرۆڤه‌ و هیوادارم به‌ خۆی دابچێته‌وه‌ و دان به‌ هه‌ڵه‌ی خۆی دابنێت و داوای لێبوردن له‌ رۆژهه‌لاتییه‌كان و كۆماری كوردستان بكات و جارێكی تر به‌ ره‌ها قسه‌ نه‌كات و شت نه‌نووسێت، چونكه‌ بابه‌ته‌ هه‌ر له‌ مانشێته‌كه‌یه‌وه‌ هه‌ڵه‌ و درۆ و بوختانه‌، نووسه‌ر ده‌یتوانی له‌ باتی ئه‌وه‌ی بنووسێت رۆژهه‌ڵاتییه‌كان ، بنووسێت تاقمێك ، چه‌ند كه‌سێك ، ژماره‌یه‌ك ، نه‌ ئه‌وه‌ی كه‌ به‌ كۆ بنووسێت ، چونكه‌ خه‌ڵكی كوردستانی باشوور خۆیان باشتر خه‌ڵكی رۆژهه‌ڵاتی كوردستان ده‌ناسن و هه‌ر گێز هه‌ندێ قسه‌ی بێتام و درۆ ناتوانێت هاوكاری و یه‌كریزی و برایه‌تی نێوانیان تێكبدات و له‌ كۆتایی دا ده‌ڵێم: ئه‌گه‌ر رۆژنامه‌نووسێك كاریگه‌ری له‌ سه‌ر كۆمه‌ڵگا و ده‌سه‌ڵات نه‌بێت رۆژنامه‌نووسێكی فاشل و مردووه‌ هه‌ر چه‌ند به‌ ره‌واڵه‌ت هه‌ناسه‌ بكێشێت.
ئێمه‌ی رۆژهه‌ڵاتییه‌كانی دانیشتووی باشوور به‌ پێچه‌وانه‌ی هه‌ندێك كه‌سی نه‌فس نزم و تێكده‌ر و ئاژاوه‌چی و نه‌زان هه‌م باشوور به‌ ماڵی خۆمان ده‌زانین و هه‌م حكومه‌تی هه‌رێمیش وه‌ك بیلبیله‌ی چاو ده‌پارێزین و سه‌ربازی ئه‌و حكومه‌ت و خاك و نیشتمانه‌ین چونكه‌ باشوور چرا و هیوا و ئومێدی پارچه‌كانی تری كوردستانه‌ و ئێمه‌ بۆ ئه‌وه‌ی بگه‌ن به‌ مافی ره‌وای خۆمان ده‌بێت وه‌ك گیانفیدایه‌ك له‌ پێناو پاراستنی تێبكۆشین.
و جنێوفرۆشان و نییه‌ت خراپان باش بزانن به‌ كوێرایی چاوی قه‌له‌ره‌شه‌كان هه‌ڵۆكان هه‌میشه‌ سه‌ربه‌رزن و ئه‌و چه‌شنه‌ راپۆرت و درۆ و ده‌له‌سانه‌ ناتوانێت كه‌لێن بخاته‌ نێوانمان ، كوێر بن ئه‌و كه‌سانه‌ی چاوی دیتنی كورد و ده‌سه‌ڵاتی كوردی و ئالای شه‌كاوه‌ی كوردیان نییه‌، كه‌ڕ بن ئه‌وانه‌ گوێیان له‌ ده‌نگی كورد نییه‌ و گوێیان له‌ حاندی ده‌نگی هه‌قخوازی كورد به‌ لۆكه‌ی نه‌زانی گرتووه‌.

سڵاو

 

سڵاو هاوڕێیانی خۆشه‌ویست و ئازیز
وێڕای سڵاوێكی گه‌رم و گوڕ
ئه‌گه‌رچی له‌و ماوه‌یه‌ بێده‌نگ و خامۆشم بووم به‌ڵام هیچتانم فه‌رامۆش نه‌كردووه‌.
خۆم به‌خۆشحاڵ ده‌زانم دوای ماوه‌یه‌كی زۆر، دیسان جارێكی تر هاتمه‌ خزمه‌تان ، به‌داخه‌وه‌ له‌و ماوه‌یه‌دا نه‌خۆشی و ناساغی له‌شم  یارمه‌تی نه‌دام هیچ شتێك بنووسم ، هه‌ر بۆیه‌ لێتان دابڕام به‌ڵام به‌ڵێن بێت له‌مه‌وبه‌دوا مه‌گه‌ر مه‌رگ مۆڵه‌تم پێنه‌دا ده‌نا هه‌رگیز لێتان دوور ناكه‌مه‌وه‌.
چاوه‌ڕوانی پێشنیارو ره‌خنه‌ جوانه‌كانتانم، دڵنیاتان ده‌كه‌مه‌وه‌ كه‌ پێشنیار و ره‌خنه‌ به‌ پیز و جوانه‌كانتان ده‌نێمه‌ سه‌رچاوم.
دیسان سڵاو و رێزم هه‌یه‌ بۆتان . تكایه‌ سه‌ردانه‌ی ماڵه‌ بچووكه‌كه‌م بكه‌ن و منیش سه‌ردانی ماڵه‌گه‌وره‌كه‌ی ئێوه‌ ده‌كه‌م ئێمه‌ به‌ یه‌كه‌وه‌ جوانین سه‌ره‌ڕای جیاوازی ته‌مه‌ن و بیرۆكه‌ و ڕه‌نگ و ڕه‌نگه‌ز .
چاوه‌ڕوانتانم.
هاوڕێی بچووكتان جه‌واد حه‌یده‌ری